Meiðsli Alfreðs Finnbogasonar, framherja íslenska landsliðsins og þýska liðsins Augsburg, eru ekki alvarleg en hann meiddist í upphitun fyrir leikinn gegn Belgum í Þjóðadeildinni á fimmtudaginn.
Alfreð átti leiða íslensku sóknarlínuna í leiknum á móti Belgunum en rétt fyrir leikinn var Arnór Ingvi Traustason kallaður inn í byrjunarliðið í stað Alfreðs.
„Ég fékk tak í nárann við fyrsta skot á markið í upphitun. Eftir skoðun er þetta ekki of slæmt, 1-2 vikur segja þeir,“ sagði Alfreð í samtali við mbl.is.
Líklegt er að Alfreð missi af leik Augsburg gegn Eintracht Frankfurt í þýsku 1. deildinni á laugardaginn en hann hefur farið á kostum með Augsburg-liðinu síðustu vikurnar þar sem hann hefur skorað 7 mörk í síðustu sex leikjum og er í hópi markahæstu manna í deildinni.