Markahæsta landsliðskona Íslands frá upphafi, Margrét Lára Viðarsdóttir, snéri aftur á knattspyrnuvöllinn eftir átján mánaða fjarveru og skoraði tvívegis þegar Valur vann ÍA 5:0 í æfingaleik.
Margrét sleit krossband sumarið 2017 og hefur ekki leikið síðan, þótt hún hafi verið í leikmannahópi Vals í lokaumferð Íslandsmótsins í haust, en virðist stefna á að spila með Val næsta sumar.
Ekki var um formlegan leik að ræða en Börkur Edvardsson, formaður knattspyrnudeildar Vals, vakti athygli á framgöngu Margrétar á Twitter í gær.
Svona gera bara sigurvegarar, eftir 18 mánaða fjarveru sökum meiðsla snéri hún aftur í kvöld og setti 2 mörk. Já ég er að tala um Margréti Láru Viðarsdóttur. Valur -ÍA 5-0. @Valurfotbolti @Fotboltinet @433_is @VisirSport @mblsport @FrettSport
— E.Börkur Edvards (@borkur_e) December 10, 2018