Daði Lárusson, fyrrverandi markvörður FH í knattspyrnu, hefur verið ráðinn markvarðarþjálfari hjá Fram en þetta kemur fram á vef félagsins.
Daði lék 182 leiki í efstu deild með FH og 20 Evrópuleiki og varð hann fimm sinnum Íslandsmeistari með Hafnarfjarðarliðinu og einu sinni bikarmeistari. Þá lék hann 3 A-landsleiki.
Ásamt því að þjálfa markmenn meistaraflokks Fram mun Daði koma að þjálfun markmanna í yngri flokkum félagsins.