Guðjón, Stephany og Þórdís urðu efst
Setja bókamerki
Guðjón Baldvinsson úr Stjörnunni og þær Stephany Mayor úr Þór/KA og Þórdís Hrönn Sigfúsdóttir úr Stjörnunni hafa fengið viðurkenningar fyrir að eiga flestar stoðsendingar í Pepsi-deildum karla og kvenna á keppnistímabilinu 2018.
Viðurkenningarnar voru afhentar í útgáfuhófi bókarinnar Íslensk knattspyrna 2018 í Bjórgarðinum í gærkvöld en það er Bókaútgáfan Tindur, útgefandi bókarinnar, sem gefur þær.
Guðjón lagði upp 14 mörk fyrir karlalið Stjörnunnar í ár en jafnir í öðru og þriðja sæti voru Kristinn Freyr Sigurðsson úr Val og Þorsteinn Már Ragnarsson úr Stjörnunni með 10 stoðsendingar hvor og þeir fengu einnig viðurkenningar í hófinu.
Í Pepsi-deild kvenna voru Stephany og Þórdís Hrönn með 10 stoðsendingar hvor. Jafnar í 3.-4. sæti með 9 hvor voru Agla María Albertsdóttir úr Breiðabliki og Anna Rakel Pétursdóttir úr Þór/KA og þær fengu einnig viðurkenningar.
Þá hlaut Ólafur Jóhannesson, þjálfari Íslandsmeistara Vals í karlaflokki, hin árlegu heiðursverðlaun Bókaútgáfunnar Tinds, sem jafnan veitir einstaklingi, liði eða öðrum innan knattspyrnuhreyfingarinnar slík verðlaun ár hvert við útkomu bókarinnar.
„Erum á stað sem við höfum ekki séð áður“
„Ef það er einhver einn lærdómur...“
Byggingarheimildir verði tímabundnar
Ekki orðinn þreyttur á vöfflukaffi
Forsetafylgismenn dregnir í dilka
Gleymir seint deginum sem skriðurnar féllu
Foreldrahlutverkið flóknara nú en áður