KR hafði betur gegn ÍBV í fyrsta leik Lengjubikars karla í fótbolta í dag. Óskar Örn Hauksson skoraði sigurmarkið í 1:0-sigri, en leikið var í Egilshöll.
KR-ingar, sem eru nýkrýndir Reykjavíkurmeistarar, eru komnir með þrjú stig í 2. riðli, en ásamt KR og ÍBV leika Fylkir, Njarðvík, Víkingur Ó. og Þróttur R. einnig í riðlinum.
Keflavík og Haukar mætast í eina leik keppninnar á morgun í 4. riðli. Valsmenn eru ríkjandi Lengjubikarmeistarar.