Bæði Knattspyrnusamband Íslands og Íþróttasamband Íslands heiðruðu í gær þau sem létu af störfum sem stjórnarfólk í KSÍ á ársþingi sambandsins.
Guðrún Inga Sívertsen varaformaður og Vignir Már Þormóðsson gáfu ekki kost á sér til endurkjörs í aðalstjórn KSÍ. Þau voru heiðruð af ÍSÍ á þinginu.
KSÍ heiðraði síðan þau bæði, sem og Ingvar Guðjónsson sem hefur setið í varastjórn KSÍ um árabil en gaf heldur ekki kost á sér áfram.