73. ársþing Knattspyrnusambands Íslands var haldið á Hótel Nordica Reykjavík á laugardaginn þar sem Guðni Bergsson var endurkjörinn formaður KSÍ til næstu tveggja ára.
Mikil spenna var í kringum formannskjörið en Guðni vann yfirburðasigur gegn Geir Þorsteinssyni. Guðni hlaut 119 atkvæði en Geir 26.
Í aðalstjórn KSÍ voru fimm frambjóðendur í kjöri um fjögur sæti og urðu eftirfarandi í efstu fjórum sætunum:
• Borghildur Sigurðardóttir | Kópavogi
• Þorsteinn Gunnarsson | Mývatnssveit
• Magnús Gylfason | Hafnarfirði
• Ásgeir Ásgeirsson | Reykjavík
Auk ofangreindra sitja í aðalstjórn (tveggja ára kjörtímabili þeirra lýkur í febrúar 2020):
• Gísli Gíslason | Akranesi
• Ingi Sigurðsson | Vestmannaeyjum
• Ragnhildur Skúladóttir | Reykjavík
• Valgeir Sigurðsson | Garðabæ
Þá tekur Haraldur Haraldsson formaður Íslensks Toppfótbolta, ÍTF, sæti í stjórn en samþykkt var á þinginu að formaður félagsins ætti fast sæti í stjórn KSÍ.
Haraldur Jónasson ljósmyndari Morgunblaðsins var á ársþinginu og hér má sjá nokkrar af þeim myndum sem hann tók.