Knattspyrnukonan Guðmunda Brynja Óladóttir skrifaði í dag undir tveggja ára samning við KR. Hún kemur til félagsins frá Stjörnunni þar sem hún hefur verið síðustu tvö ár.
Guðmunda er uppalin á Selfossi og spilaði hún 131 leik fyrir Selfoss og skoraði í þeim 64 mörk. Hún kom til Stjörnunnar árið 2017 og skoraði þar 14 mörk í 40 leikjum í öllum keppnum.
Framherjinn hefur skorað eitt mark í fimmtán A-landsleikjum. KR hafnaði í áttunda sæti Pepsi-deildarinnar á síðustu leiktíð.