Aganefnd fjallar um mál Þórarins Inga
Setja bókamerki
Aganefnd KSÍ mun á fundi sínum í dag taka fyrir mál Þórarins Inga Valdimarssonar, leikmanns Stjörnunnar.
Þórarinn var rekinn af velli í leik Stjörnunnar gegn Leikni úr Reykjavík í Lengjubikar karla á föstudaginn, fyrir að viðhafa ósæmileg ummæli í garð Ingólfs Sigurðssonar, leikmanns Leiknis sem hefur glímt við geðræn vandamál um árabil og sagt frá þeim á opinskáan hátt í fjölmiðlum.
Eins og fram kom á mbl.is í gær bað Þórarinn Ingólf afsökunar eftir leikinn og sagði í yfirlýsingu á Twitter að orðbragðið hefði ekki verið sér sæmandi og rauða spjaldið hefði verið verðskuldað.
Klara Bjartmarz framkvæmdastjóri KSÍ sagði við mbl.is í gær að aga- og úrskurðarnefnd hefði klára lögsögu til að taka þetta mál fyrir en þá hafði skýrsla Þorvaldar Árnasonar dómara leiksins ekki borist skrifstofu KSÍ og ekki ljóst endanlega með ferlið.
Mikil skjálftavirkni á landinu áhyggjuefni
Segir óábyrgt að skipta út öllu bankaráðinu
Innviðir þandir og álagið „gríðarlegt“
Myndskeið: Braut rúðurnar og rölti svo í burtu
Markaðurinn hitnar og leiguverð hækkar hratt
„Það er skiljanlegt að þolinmæði þeirra sé lítil“
Fjárfestingin 115 milljarðar króna