Jóhann Berg Guðmundsson verður ekki með íslenska landsliðinu í leiknum gegn Frökkum í undankeppni HM í knattspyrnu en þjóðirnar eigast við á Stade de France annað kvöld.

Jóhann Berg er meiddur í kálfa og heldur til Englands í dag þar sem hann verður til aðhlynningar hjá sjúkraþjálfurum Burnley. Frá þessu greindi Erik Hamrén þjálfari íslenska landsliðsins á fréttamannafundi í París í dag.

Þá bárust þær fréttir úr herbúðum Frakka í dag að kantmaðurinn Kinglsey Coman úr liði Bayern München verði ekki með Frökkunum annað kvöld en hann er meiddur.

Íslendingar unnu 2:0 útisigur gegn Andorra á föstudagskvöldið og Frakkar unnu öruggan sigur á útivelli gegn Moldóvu.

Tengdar fréttir

EM 2020

Þétt setið á ölhúsum meðan á leik stóð

• „Hjartað er báðum megin“
• Kolbeinn jafnaði markametið
• Leikur Englands stöðvaður í tvígang vegna kynþáttaníðs
• Stoltir af okkar fótbolta

» Fleiri tengdar fréttir

• Blogga um frétt