Knattspyrnumaðurinn Hilmar Árni Halldórsson hefur framlengt samning sinn við Stjörnuna en þetta staðfesti félagið á Twitter síðu sinni í dag. Samingurinn er til þriggja ára og gildir til ársins 2021 en Hilmar Árni hefur verið besti leikmaður Stjörnunnar, undanfarin ár.
Hann gekk til liðs við félagið frá Leikni í Reykjavík haustið 2015 en hann á að baki 88 leiki í efstu deild með Leikni og Stjörnunni þar sem hann hefur skorað 37 mörk en hann er uppalinn í Breiðholtinu.
Hilmar Árni framlengir við Stjörnuna!
— Stjarnan FC (@FCStjarnan) April 19, 2019
Markahæsti leikmaður Stjörnunnar undanfarin ár og einn besti leikmaður Pepsi deildarinnar, Hilmar Árni Halldórsson hefur skrifað undir nýjan 3 ára samning við Stjörnuna og leikur því með okkur út tímabilið 2021 hið minnsta. #InnMedBoltann pic.twitter.com/96DeNTGUaH