Knattspyrnukonan Málfríður Erna Sigurðardóttir hefur lagt skóna á hilluna vegna fjölskylduástæðna. Þetta staðfesti Pétur Pétursson, þjálfari Vals, í samtali við Fótbolta.net í dag.
Málfríður lék alls 234 leiki í efstu deild, langflesta þeirra með Val, en hún lék einnig með Breiðabliki í tvö ár. Hún lék alla 18 deildarleiki Vals síðasta sumar og skoraði í þeim tvö mörk og hefur hún alls skorað 29 mörk í efstu deild.
Hún á 33 landsleiki að baki og í þeim skoraði hún tvö mörk. Málfríður var m.a í íslenska landsliðshópnum á EM 2017.
Uppfært klukkan 20.08
Málfríður segir þessar fréttir ekki réttar.