„Ertu fokking þroskaheftur?“

Guðmann Þórisson og Bjarki Steinn Bjarkason í baráttunni um boltann ...
Guðmann Þórisson og Bjarki Steinn Bjarkason í baráttunni um boltann á Akranesi. Pétur Viðarsson, lengst til vinstri, fylgist með. mbl.is/Kristinn Magnússon

„Ertu fokking þroskaheftur?“ á Pétur Viðarsson varnarmaður í liði FH að hafa sagt við aðstoðardómarann þegar ÍA og FH áttust við í Pepsi Max-deild karla í knattspyrnu í kvöld þar sem Skagamenn höfðu betur 2:0.

Pétur Guðmundsson dómari leiksins gaf Pétri rautt spjald fyrir munnsöfnuðinn á 71. mínútu en Gunnar Birgisson, sem hefur starfað við lýsingar á RÚV og er einn af sérfræðingum vefsíðunnar fótbolti.net, var nálægt atvikinu og greinir frá því á Twitter-síðu sinni hvað Pétur hafi sagt við aðstoðardómarann.

Pétur verður því í leikbanni þegar FH-ingar taka á móti Íslandsmeisturum Vals í 4. umferð Pepsi Max-deildarinnar á mánudaginn.

mbl.is