HK og ÍBV áttu að mætast í fyrsta leik fjórðu umferðar úrvalsdeildar karla í knattspyrnu, Pepsi Max-deildarinnar, í Kórnum í kvöld en nú er ljóst að Eyjamenn komast ekki til leiks vegna veðurs.
Leiknum hefur verið frestað um sólarhring og verður hann leikinn í Kórnum á morgun klukkan 18.45.
Þetta verður fyrsta viðureign HK og ÍBV á Íslandsmóti en félögin hafa aldrei áður verið í sömu deild í meistaraflokki karla.