Fjórða umferð Pepsi Max-deildar karla í knattspyrnu hefst í kvöld með fjórum leikjum. Á Akranesi verður toppslagur þegar Skagamenn fá FH í heimsókn. Bæði lið hafa byrjað mótið vel og eru með sjö stig en ÍA vann góðan útisigur á Val um síðustu helgi og FH lagði KA í Krikanum.
Á Akureyri fær KA lið Breiðabliks í heimsókn. Blikarnir tróna í toppsætinu á markatölu en KA-menn eru í sjöunda sætinu með þrjú stig.
Í Kórnum verður botnslagur þegar nýliðar HK og ÍBV eigast við en bæði lið hafa aðeins náð í eitt stig í fyrstu leikjunum.
Víkingur og Stjarnan eigast við í á Eimskipsvellinum í Laugardalnum. Stjörnumenn eru í sjötta sætinu með fimm stig en Víkingar hafa tvö stig í áttunda sæti.
Umferðinni lýkur annað kvöld en þá sækir KR lið Grindavíkur heim og Íslandsmeistarar Vals fara í Árbæinn og mæta þar Fylkismönnum.