HK, nýliðarnir í úrvalsdeild karla í knattspyrnu, hafa bætt við sig leikmanni fyrir átökin í sumar en hann hittir fyrir hjá HK tvíburabróður sinn.
Leikmaðurinn er varnarmaðurinn Andri Jónasson sem hefur leikið með ÍR undanfarin fjögur ár en skipti yfir til Þróttar í Reykjavík í vetur.
Fyrir hjá HK er tvíburabróðir hans Brynjar Jónasson en þeir koma upphaflega úr FH og hófu meistaraflokksferilinn saman með Fjarðabyggð þar sem þeir spiluðu saman árið 2014.