Jonathan Glenn bjargaði stigi fyrir Eyjamenn þegar liðið fékk Víking Reykjavík í heimsókn í 5. umferð úrvalsdeildar karla í knattspyrnu, Pepsi Max-deildinni, í Vestmannaeyjum í dag. Leiknum lauk með 1:1-jafntefli en Glenn skoraði jöfnunarmark ÍBV í uppbótartíma seinni hálfleiks.
Fyrri hálfleikurinn var tíðindalítill en Eyjamenn byrjuðu betur án þess þó að ná að skapa sér afgerandi marktækifæri. Víkingar unnu sig vel inn í leikinn og voru stekari aðilinn undir lok fyrri hálfleiks. Þeir fengu tvö góð færi til þess að komast yfir en tókst ekki að skora og staðan markalaus í hálfleik.
Jafnfræði var með liðunum í upphafi síðari hálfleiks en á 70. mínútu fengu Víkingar víti þegar Guðmundur Andri Tryggvason fór niður í teignum eftir viðstkipi sín við Felix Örn Friðriksson. Helgi Mikael Jónasson rak Felix af velli og Rick von Teen skoraði af miklu öryggi úr vítaspyrnunni.
Það virtist allt stefna í útisigur þegar Breki Ómarsson átti frábæra fyrirgjöf frá hægri í uppbótartíma á Jonathan Glenn sem skallaði boltann í netið og liðin sættust á jafntefli. ÍBV er áfram í neðsta sæti deildarinnar með 2 stig en Víkingar eru í ellefta sætinu með 3 stig.