Enn eru til miðar á leik Íslands og Albaníu í undankeppni EM karla í fótbolta 2020, þrátt fyrir að leikurinn hefst eftir tvo og hálfan tíma þegar fréttin er skrifuð.
Um þúsund miðar eru enn óseldir og lítur út fyrir A-landslið karla nái ekki að fylla Laugardalsvöllinn í fyrsta skipti í nokkurn tíma. Í undankeppni HM 2018 seldust miðar oftast upp á örfáum mínútum.
Svipaða sögu er að segja um miðasöluna fyrir leikinn við Tyrkland þann 11. júní. „Áhugi er samkvæmt úrslitum og auðvitað viljum við fylla völlinn og hafa alla með okkur í liði. En það er undir okkur komið.
Það væri frábært að fá fullan völl og stemninguna sem hefur skilað okkur þessum árangri. Við þurfum á fólkinu að halda með okkur í liði. Þegar við stöndum saman þá gerast óvæntir hlutir,“ sagði Aron Einar Gunnarsson á fréttamannafundi í vikunni.