Birkir Bjarnason verður ekki með í næsta leik Íslands í undankeppni EM í knattspyrnu en hann er gegn Moldóvu á Laugardalsvellinum 7. september.
Birkir fékk gula spjaldið í leiknum við Tyrki og er þar með kominn með tvö slík í undankeppninni en það þýðir eins leiks bann.
Birkir átti flottan leik sem og allt íslenska liðið í 2:1 sigrinum gegn Tyrkjum og eftir fjórar umferðir í riðlinum eru Frakkland, Ísland og Tyrkland öll með níu stig á toppnum.