Helgi Mikael Jónasson dæmir leik Prishtina frá Kosóvó og St Joseph's frá Gíbraltar í Evrópudeildinni í fótbolta. Leikurinn fer fram 27. júní í Pristina, Kosóvó.
Helga til aðstoðar verða þeir Birkir Sigurðarson og Bryngeir Valdimarsson. Fjórði dómari verður Þorvaldur Árnason.
Helgi hefur verið á ferð og flugi á árinu og dæmdi hann m.a vináttuleik Svíþjóðar og Noregs landsliða skipuðum leikmönnum 21 árs og yngri á dögunum.