KR tryggði sér úrslitaleik við Selfoss
Setja bókamerki
KR og Selfoss eigast við í bikarúrslitum í Mjólkurbikar kvenna í fótbolta. Það varð ljóst eftir 2:0-sigur KR á heimavelli gegn Þór/KA í undanúrslitum í dag.
Staðan var markalaus í hálfleik. Bæði lið fengu ágætisfæri í fyrri hálfleiknum en tókst ekki að skora. Þór/KA átti fleiri tilraunir, en þær voru flestar af löngu færi og ekki mjög hættulegar.
Þór/KA hefði átt að fá víti undir lok hálfleiksins þegar Ingunn Haraldsdóttir felldi Stephany Mayor innan teigs, en Ingunn slapp með skrekkinn og hvorugu liðinu tókst að skapa færi eftir það.
Það tók KR tólf mínútur í seinni hálfleik að komast yfir. Gloria Douglas tók þá á rás upp hægri kantinn og gaf fyrir á Ásdísi Karen Halldórsdóttur sem skoraði af öryggi af stuttu færi.
Þór/KA leitaði að jöfnunarmarki en illa gekk að skapa færi. Hinum megin hélt KR áfram að vera hættulegt og annað markið kom sjö mínútum fyrir leikslok. Betsy Hassett skoraði þá með glæsilegu skoti utan af velli í hornið fjær.
KR leikur því til úrslita í fyrsta skipti síðan árið 2011, er liðið tapaði fyrir Val í úrslitaleik.
| KR | 2:0 | Þór/KA |
|
|---|---|---|---|
| Það verða að minnsta kosti tvær mínútur í uppbótartíma. KR er á leiðinni í úrslit. | |||
Banna mengandi búnað sem leyfður er á Íslandi
Shakespeare fannst í skókassa
Tveir í bílnum sem lenti utan vegar
Gígbarmurinn hækkað frá því í gær
Vélsleðaslys: Þyrlan kölluð út á mesta forgangi
Sex hafa greinst með listeríu
Handteknir eftir myndatöku í Vesturbæjarlaug
Æskuvinur Íslendings myrtur í Noregi