KR heldur áfram að styrkja sig

Knattspyrnukonan Þórdís Hrönn Sigfúsdóttir er gengin til liðs við KR en þetta staðfesti félagið á heimasíðu sinni í dag. Þórdís Hrönn skrifar undir tveggja ára samning við Vesturbæjarliðið sem tryggði sér einnig þjónustu Önu Cate fyrr í dag.

Frétt af mbl.is

KR-ingar fá góðan liðsstyrk

Þórdís Hrönn lék síðast með Þór/KA í úrvalsdeildinni síðasta sumar þar sem hún skoraði tvö mörk í þrettán leikjum. Hún gekk til liðs við Þór/KA á láni frá sænska úrvalsdeildarfélaginu Kristianstad en samningur hennar við sænska félagið rann út á dögunum.

Þórdís Hrönn á að baki 102 leiki í efstu deild þar sem hún hefur skorað 23 mörk. Þá á hún að baki 2 A-landsleiki fyrir Ísland en hún er uppalin hjá Breiðabliki en lék meðal annars sem atvinnumaður með Älta í sænsku B-deildinni árin 2014 og 2015.

• Blogga um frétt