Eins og fram hefur komið var þeim fjölmiðlum sem eru með íslenska karlalandsliðinu í knattspyrnu í Tyrklandi meinað af hálfu KSÍ að spyrja Kolbein Sigþórsson út í þær fréttir að hann hefði verið handtekinn í Svíþjóð í lok síðasta mánaðar.
Hinn þrautreyndi Guðjón Guðmundsson, oftast kallaður Gaupi, íþróttafréttamaður á Sýn, er ekki sáttur við þessa ákvörðun KSÍ.
„Þegar blaðamenn fá fyrirmæli um hvað má spyrja og hvað ekki erum við á villigötum. Hvernig má þetta vera? Við lifum á tímum auðmýktar. Það vita allir. En þetta er algjör þvæla og blaðamenn eiga ekki að láta bjóða sér svona vitleysu,“ skrifar Guðjón á Twitter-síðu sína.
Þegar blaðamenn fá fyrirmæli um hvað má spyrja og hvað ekki erum við á villigötum. Hvernig má þetta vera. Við lifum á tímum auðmýktar. Það vita allir. En þetta er algjör þvæla og blaðamenn eiga ekki að láta bjóða sér svona vitleysu. Ísland - Tyrkland.Góðar stundir.Eina.
— Guðjón Guðmundsson (@gaupinn) November 12, 2019