Íslenska U20 ára landslið karla í fótbolta mátti þola 0:3-tap fyrir enskum jafnöldrum sínum í vináttuleik á Adams Park-vellinum í High Wycombe, skammt utan við London, í kvöld.
Eftir markalausan fyrri hálfleik þar sem Kolbeinn Birgir Finnsson fékk m.a virkilega gott færi, voru Englendingar mun sterkari í þeim seinni.
Danny Loader, leikmaður Reading, skoraði fyrsta markið á 50. mínútu og varamaðurinn Ian Ocampo skoraði tvö mörk á tveimur mínútum tæpum 20 mínútum fyrir leikslok.
Byrjunarlið Íslands:
Elías Rafn Ólafsson
Hjalti Sigurðsson
Torfi Tímoteus Gunnarsson
Finnur Tómas Pálmason
Davíð Ingvarsson
Alex Þór Hauksson
Daníel Hafsteinsson
Kolbeinn Þórðarson
Kolbeinn Birgir Finnsson
Valdimar Þór Ingimundarson
Brynjólfur Darri Willumsson
Í seinni hálfleik komu inná sem varamenn þeir Þórir Jóhann Helgason, Ísak Óli Ólafsson, Jónatan Ingi Jónsson, Ágúst Eðvald Hlynsson, Viktor Örlygur Andrason, Guðmundur Andri Tryggvason, Stefán Árni Geirsson og Bjarki Steinn Bjarkason.