Færeyski knattspyrnumaðurinn Magnus Egilsson er á reynslu hjá Val og æfir með liðinu. Heimir Guðjónsson, þjálfari Vals, þekkir vel til Egilsson, þar sem þeir unnu saman hjá HB. Urðu þeir Færeyja- og bikarmeistarar með HB.
Blaðamaðurinn Guðmundur Hilmarsson greinir frá á Twitter-síðu sinni í morgun. Bjarni Ólafur Eiríksson hefur síðustu ár leikið sem vinstri bakvörður hjá Valsliðinu, en hann gekk á dögunum í raðir ÍBV.
Egilsson, sem er 25 ára, lék sína fyrstu leiki með A-landsliði Færeyja í október og lék hann 25 af 27 leikjum HB á síðustu leiktíð.
Fyrrum lærisveinn Heimis Guðjónssonar hjá HB til skoðunar hjá Valsmönnum. Magnus Egilsson heitir kappinn og spilar í stöðu vinstri bakvarðar. 25 ára gamall færeyskur landsliðsmaður.
— Guðmundur Hilmarsson (@GummiHilmars) December 3, 2019