Þróttur í Reykjavík, sem er nýliði í úrvalsdeild kvenna í knattspyrnu í ár, hefur náð sér í liðsstyrk til Noregs en félagið hefur fengið til sín bandaríska leikmanninn Stephanie Riberio frá norska úrvalsdeildarliðinu Avaldsnes.
Riberio er 25 ára gömul og hefur bæði leikið sem framherji og miðjumaður. Hún fékk fá tækifæri í liði Avaldsnes á síðasta tímabili en lék árið á undan með Grand Bodø í sömu deild og skoraði þá fjögur mörk í tíu leikjum. Hún lék áður með liði Connecticut-háskólans og var í kjölfarið valin af Kansas City í nýliðavali bandarísku atvinnudeildarinnar en náði ekki að spila með liðinu.
Þróttur hefur gert samning við bandaríska stúlku, Stephanie Riberio, sem kemur til liðsins frá norska félaginu Avaldsnes. Stephanie er 26 ára gömul og leikur sem sóknarmaður. Hún er góður liðsstyrkur fyrir baráttuna í @pepsimaxdeildin Velkomin í Dalinn #hjartaðíreykjavík❤️#Lifi pic.twitter.com/spFqLA6ut8
— Þróttur (@throtturrvk) January 29, 2020