Knattspyrnudeild FH hefur samið við bandaríska varnarmanninn Taylor Sekyra og mun hún leika með liðinu á komandi sumri. Hún kemur beint til FH úr háskólaboltanum.
Sekyra er fjórði leikmaðurinn sem FH fær til sín í vetur. Áður höfðu Hrafnhildur Hauksdóttir, Sigríður Lára Garðarsdóttir og Svanhildur Ylfa Dagbjartsdóttir komið til Hafnarfjarðarliðsins, sem tryggði sér sæti í efstu deild á síðasta sumri.
„Taylor er öflugur varnarmaður sem kemur til liðs við FH beint úr háskólaboltanum í Bandaríkjunum en hún hefur undanfarin ár spilað með Washington-háskólanum í Seattle við góðan orðstír. Við bindum miklar vonir við Taylor fyrir komandi tímabil og bjóðum hana velkomna í FH,“ segir á Facebook-síðu FH.