Knattspyrnumaðurinn Aron Elí Sævarsson er kominn til liðs við 1. deildarlið Aftureldingar frá Val en félagið skýrði frá því í kvöld að hann hefði skrifað undir samning í Mosfellsbænum.
Aron er 22 ára gamall og leikur yfirleitt sem bakvörður. Hann hefur ekki spilað úrvalsdeildarleik með Val en verið í láni hjá þremur liðum í 1. deild á undanförnum tveimur árum, fyrst með HK árið 2018 og síðan með Haukum og Þór árið 2019.
Stóri bróðir Arons er flestum fótboltaáhugamönnum vel kunnugur en það er Birkir Már Sævarsson, landsliðsbakvörður til fjölmargra ára.
🔴Aron Elí í Aftureldingu⚫️
— Afturelding (@umfafturelding) February 20, 2020
Afturelding hefur samið við varnarmanninn Aron Elí Sævarsson sem kemur til liðsins frá Val.
Aron er vinstri bakvörður að upplagi en getur leyst margar stöður. Aron er einnig hávaxinn og bætir hæð inn í varnarlínu Aftureldingu.#afturelding pic.twitter.com/XwZafWNnqx