Kvennalandslið Íslands í knattspyrnu mun ekki leika gegn Ungverjalandi og Slóvakíu 10. og 14. apríl í undankeppni Evrópumótsins eins og til stóð.
Meðal þess sem ákveðið var á neyðarfundi UEFA í dag var að fresta öllum keppnisleikjum félagsliða og landsliða, og þar á meðal leikjum í undankeppni EM kvenna sem áttu að fara fram í aprílmánuði.
Ísland er með 9 stig eftir fyrstu þrjá leikina í undankeppninni og átti næst á eftir leikjunum við Ungverjaland og Slóvakíu að leika á heimavelli gegn Lettlandi og Svíþjóð 4. og 9. júní.