Í kvöld hefði leikur Íslands og Rúmeníu farið fram á Laugardalsvellinum í umspili fyrir EM karla í knattspyrnu ef kórónuveiran hefði ekki sett allt íþróttastarf heimsins úr skorðum.
Leikurinn átti að fara fram 26. mars en var frestað fram í júní vegna veirunnar og lokakeppninni sjálfri hefur verið frestað til sumarsins 2021.
Í kvöld er snjór yfir Reykjavík, hiti undir frostmarki og nokkur snjókoma. Vetrarlegt hefði því verið um að litast á þjóðarleikvanginum og í kaldara lagi fyrir áhorfendur.
Vallarstjórinn í Laugardalnum, Kristinn Jóhannsson, birti færslu á Twitter í dag með myndum af snæviþöktum Laugardalsvelli.
Ef. Hefði. Kannski. Hugsanlega. Þetta hefði alltaf reddast 🤨😷⚽️ @footballiceland @Fotboltinet pic.twitter.com/ydfunp96oC
— Kristinn V. Jóhannsson (@kristinn_v) March 26, 2020