Akureyringurinn Haraldur Ingólfsson hefur ákveðið að hlaupa 310 kílómetra í aprílmánuði til styrktar úrvalsdeildarliði Þór/KA og liði Hamranna sem leikur í 2. deildinni í fótbolta. Fólki mun gefast tækifæri til þess að heita á Harald í þeim tilgangi að styrkja knattspyrnustarf stelpnanna á Akureyri sem hefur verið afar öflugt í gegnum tíðina.

„Verkefnið hefur fengið heitið „Halli hleypur apríl“ enda hefst það formlega miðvikudaginn 1. apríl og er markmiðið að ná að ljúka því í aprílmánuði,“ segir á heimasíðu Þórs. „Upphaf þessa verkefnis má rekja til þess að leikmenn liðanna buðu sokka til sölu í febrúar og mars í fjáröflunarskyni og ákvað Halli að hlaupa einn kílómetra fyrir hvert selt par.“

„Skemmst er frá því að segja að stelpurnar seldu 310 pör. Það liggur því fyrir að hann þarf að hlaupa rúmlega 10 kílómetra að meðaltali á dag allan mánuðinn,“ segir á heimasíðu Þórs en nánar er hægt að lesa um verkefnið hér inn á heimasíðu Þórsarar, thorsport.is.

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt