Hans Viktor Guðmundsson hefur verið skipaður fyrirliði karlaliðs Fjölnis í knattspyrnu fyrir komandi keppnistímabil en Fjölnismenn skýrðu frá þessu á samskiptamiðlum í kvöld.
Hans tekur við keflinu af Bergsveini Ólafssyni, miðverði Fjölnis, sem ákvað óvænt fyrr í þessum mánuði að leggja fótboltaskóna á hilluna.
Hans, sem er 23 ára gamall og hefur leikið með Fjölni allan sinn feril, á að baki 63 leiki með liðinu í úrvalsdeildinni og lék 21 af 22 leikjum liðsins í 1. deildinni í fyrra þar sem hann skoraði fimm mörk.