Enski knattspyrnumaðurinn Harley Willard hefur skrifað undir tveggja ára samning við Víking Ólafsvík. Kemur hann til félagsins frá Fylki, en hann gekk í raðir Fylkis frá Víkingi í nóvember eftir eitt sumar hjá Ólafsvíkingum.
Willard var einn besti leikmaður 1. deildarinnar á síðustu leiktíð og skoraði ellefu mörk í 22 leikjum er Víkingur hafnaði í fjórða sæti. Var hann valinn í lið ársins af þjálfurum og fyrirliðum í deildinni.
Willard er 22 ára og var í akademíum Arsenal og Southampton á sínum tíma. Þótti hann á tímabili einn efnilegasti leikmaður Englands.
Hann er kominn heim!!! Harley Willard hefur skrifað undir tveggja ára samning við Víking Ó. Velkominn heim Harley
Posted by Víkingur Ólafsvík on Friday, 29 May 2020