Emil Hallfreðsson, landsliðsmaður í knattspyrnu, skoraði fyrir FH í 2:0-sigri á Fram í æfingaleik í Kaplakrika í dag. Emil, sem er 35 ára, er samningsbundinn Padova í ítölsku C-deildinni til 30. júní og hefur ekki útilokað að spila með Hafnarfjarðarliðinu í sumar.
„Ég er með samning til 30. júní og ætla ekki að segja já eða nei. Það verður að leyfa tímanum að leiða þetta í ljós. Ég ætla að sjá hvað gerist með deildina mína. Það er verið að tala um að fara beint í umspil og ef það er möguleiki væri það skemmtilegast, en það kemur í ljós. FH er samt alltaf minn klúbbur,“ sagði Emil í hlaðvarpinu Steve Dagskrá á dögunum.
Emil Hallfreðs að smyrja boltanum í fjærhornið með vinstri vel fyrir utan teig og koma FH í 2-0 á móti Fram eftir 70 mín. Algjör svindlkall ef þessi gæi mætir í deildina í sumar. Veisla að boltinn sé byrjaður að rúlla. ⚽️🇮🇸 pic.twitter.com/mG4fPQlN2z
— Haukur V. Magnússon (@haukur80) May 30, 2020