Knattspyrnudómarinn Ívar Orri Kristjánsson fór meiddur af velli er hann dæmdi leik Hauka og Elliða í Mjólkurbikar karla í fótbolta í dag. Ívar meiddist á kálfa og í stuttu samtali við mbl.is kvaðst hann óviss hve alvarleg meiðslin væru. Þó á hann ekki von á að vera lengi frá.
„Ég fékk sting í kálfann og þurfti að fara af velli. Ég á eftir að hitta sjúkraþjálfara, en vonandi verð ég klár sem allra fyrst,“ sagði Ívar. Hefur hann verið einn fremsti dómari landsins undanfarin ár og dæmir hann í efstu deild. Þá hefur hann dæmt einn leik í Evrópudeildinni.
Haukar greindu frá atvikinu á Twitter-síðu sinni, en leiknum lauk með 3:1-sigri Hafnarfjarðarliðsins.
Hlé hefur verið gert á leiknum þar sem dómari leiksins, Ívar Orri er meiddur og þarf skiptingu. @mjolkurbikarinn @footballiceland pic.twitter.com/XZnLCQ8zae
— Haukar Fótbolti (@FCHaukar) June 6, 2020