Leiknismenn í Breiðholti sem leika í 1. deildinni í knattspyrnu hafa fengið hollenskan markvörð til að fylla skarð Eyjólfs Tómassonar en þetta kemur fram á heimasíðu félagsins.
Sá heitir Guy Smit, 24 ára gamall, og lék með B-deildarliðinu FC Eindhoven frá 2016-19 en var áður í röðum Nijmegen og Vitesse.
Eyjólfur hefur varið mark Leiknis um árabil en ákvað eftir síðasta tímabil að leggja skóna á hilluna.