Knattspyrnumaðurinn Arnór Borg Guðjohnsen hefur rift samningi sínum við velska félagið Swansea City og er búinn að semja við Fylkismenn um að leika með þeim á komandi keppnistímabili.
Þetta staðfestir Arnór við fotbolti.net í dag. Hann er 19 ára gamall sóknarmaður og hefur verið í röðum Swansea í þrjú ár en lék áður með yngri flokkum Breiðabliks. Arnór hefur æft með Fylkismönnum síðustu vikur.