Fjarðabyggð fagnaði 6:1-sigri á Víði í eina leik dagsins í 2. deild karla í fótbolta í Fjarðabyggðarhöllinni á Reyðarfirði.
Spánverjinn José Fernández kom Fjarðabyggð yfir strax á þriðju mínútu og Filip Sakaluk bætti við öðru marki á 15. mínútu og Frakkinn Faozi Benabbas bætti við þriðja markinu á 25. mínútu.
Fjarðabyggð skoraði fjórða markið á 43. mínútu og það gerði Nikola Kristinn Stojanovic úr víti eftir að Jón Gunnar Sæmundsson braut af sér og fékk beint rautt spjald. Þrátt fyrir liðsmuninn minnkaði Anibal Hernández muninn á 47. mínútu 4:1.
Fjarðabyggð átti hins vegar lokaorðin því Króatinn Vice Kendes bætti við fimmta markinu á 49. mínútu og Nikola Kristinn skoraði annað markið sitt og sjötta mark Fjarðabyggðar á 85. mínútu og þar við sat.