Fjölnir vann sinn fyrsta sigur í Lengjudeild kvenna í fótbolta í sumar er liðið gerði góða ferð til Húsavíkur og vann Völsung 3:0.
Eva María Jónsdóttir skoraði eina mark fyrri hálfleiks og þær Sara Montoro og Lilja Nótt Lárusdóttir bættu við mörkum snemma í seinni hálfleik og innsigluðu sigur Fjölniskvenna.
Fjölnir er í sjöunda sæti með þrjú stig en Völsungur er á botninum, eina liðið án stiga.