Kvennalið KR í fótbolta er komið í sóttkví í annað sinn í sumar eftir að aðili innan liðsins greindist með kórónuveiruna. Páll Kristjánsson formaður knattspyrnudeildar KR staðfesti tíðindin við Fótbolta.net.
Leikmenn KR fóru í sóttkví eftir leik liðsins við Breiðablik í júní þar sem smitaður leikmaður Breiðabliks spilaði leikinn og var tveimur leikjum KR frestað í kjölfarið.
Ekki verður leikið í Pepsi Max-deild kvenna á næstunni en heilbrigðisráðuneytið hafnaði í dag undanþágubeiðni KSÍ um að spila leiki án áhorfenda.