Víkingur R. hefur fengið knattspyrnumanninn Adam Ægi Pálsson til liðs við sig en hann kemur frá fyrstudeildarliði Keflavíkur.
Bikarmeistararnir segja frá félagsskiptunum á samfélagsmiðlum sínum en Adam er 22 ára miðjumaður sem hefur spilað með Keflavík frá árinu 2018. Hann var búinn að spila átta leiki í Lengjudeildinni í sumar og skora í þeim fjögur mörk.
Víkingar hafa því fengið mann í stað Atla Hrafns Andrasonar sem var fyrr í dag keyptur til Breiðabliks.
Víkingur hefur samið við Adam Ægi Pálsson, en hann kemur til liðsins frá Keflavík. Adam er fæddur árið 1998 og hefur gert góða hluti í Lengjudeildinni í sumar.
— Víkingur FC (@vikingurfc) August 11, 2020
Knattspyrnudeild Víkings er afar ánægð með að fá Adam til liðs við félagið!#VelkominnAdam pic.twitter.com/zxH66oErlj