Óttar Magnús Karlsson sóknarmaður knattspyrnuliðs Víkings í Reykjavík gæti verið á leið til Feneyja á Ítalíu en eins og fram hefur komið staðfesti Arnar Gunnlaugsson þjálfari Víkings að tilboð hefðu borist í hann.
Fótbolti.net skýrir frá því að samkvæmt heimildum vilji B-deildarlið Venezia, sem gengur undir nafninu Feneyjar á íslensku, fá hann í sínar raðir og líklegt sé að það gangi eftir.
Venezia er fyrir skömmu búið að semja við annan íslenskan leikmann en Bjarki Steinn Bjarkason er kominn til félagsins frá ÍA.