Vegna slæmrar veðurspár á miðvikudaginn hefur tveimur viðureignum landsbyggðarliða í 1. deild karla í fótbolta, Lengjudeildinni, verið flýtt um sólarhring.
Heil umferð var á dagskrá í deildinni á miðvikudaginn en nú munu ÍBV og Leiknir frá Fáskrúðsfirði mætast í Vestmannaeyjum á morgun og sömuleiðis leika þá Vestri og Magni frá Grenivík á Ísafirði. Báðir leikirnir hefjast klukkan 16.30.
Á miðvikudaginn mætast síðan Grindavík – Leiknir R., Þór – Víkingur Ó., Keflavík – Fram og Þróttur R. – Afturelding.