Grótta og Fjölnir, slökustu lið úrvalsdeildar karla í knattspyrnu, skiptu með sér stigunum þegar liðin mættust á Vivaldi-vellinum á Seltjarnarnesi í gær.
Leiknum lauk með 2:2-jafntefli en Daninn Tobias Sommer bjargaði stigi fyrir Gróttumenn með skallamarki á 86. mínútu í sínum fyrsta leik fyrir félagið.
Fjölnismenn komust tvívegis yfir í leiknum en liðið fékk á sig tvö ódýr mörk eftir hornspyrnur og tókst þar af leiðandi ekki að landa sínum fyrsta sigri í deildinni í sumar.
Jafntefli gerir afskaplega lítið fyrir bæði lið sem hafa verið föst í neðstu sætum deildarinnar í allt sumar.
Sjáðu umfjöllunina um leikinn í heild sinni á íþróttasíðum Morgunblaðsins sem kom út í morgun.