Lykilmenn toppliðsins fjarverandi gegn Stjörnunni
Setja bókamerki
Haukur Páll Sigurðsson og Kristinn Freyr Sigurðsson, lykilmenn Vals í úrvalsdeild karla í knattspyrnu, verða báðir í leikbanni vegna gulra spjalda þegar liðið mætir Stjörnunni næsta sunnudagskvöld.
Þetta kom fram á vikulegum fundi aga- og úrskurðarnefndar KSÍ í dag. Þar sem bönn vegna gulra spjalda taka gildi á hádegi á föstudegi geta þeir spilað gegn ÍA á fimmtudaginn en verða í banni á sunnudag.
Þá missa Seltirningarnir Arnar Þór Helgason og Sigurvin Reynisson af leik Gróttu og ÍA á Skipaskaga hinn 20. september í 17. umferð deildarinnar vegna leikbanns.
Óliver Sigurjónsson er einnig á leið í leikbann og verður ekki með Breiðabliki þegar liðið fær KR í heimsókn 20. september næstkomandi. KR-ingurinn Arnþór Ingi Kristinsson tekur út leikbann í sama leik.
Akureyringurinn Sveinn Margeir Hauksson missir svo af leik KA og Fjölnis í Grafarvoginum, 19. september.
Eyjakonurnar Karlina Miksone, Miyah Watford og Olga Sevcova taka út eins leiks bann þegar liðið liðið heimsækir Breiðablik 26. september í 15. umferð úrvalsdeildar kvenna.
Þá verður Andrea Mist Pálsdóttir, leikmaður FH, verður í banni þegar liðið fær Þór/KA í heimsókn 26. september og Árbæingurinn Stefanía Ragnarsdóttir missir af leiknum gegn sínu gömlu liðsfélögum í Val í Árbænum, 26. september.
Andrea Rut Bjarnadóttir, leikmaður Þróttar, tekur einnig út leikbann þegar Þróttur heimsækir Selfoss í fimmtándu umferð deildarinnar, 26. september.
„Eins og ef Alþingishúsið brynni hér“
Með skerta aksturshæfni og undir slævandi áhrifum
„Við eigum hvergi heimili“
Børsen brennur á afmæli drottningar
Boðar 17 milljarða hagræðingu á næsta ári
Fækka nefndum og auka eftirlit með styrkjum
Ráðherra um árshátíðina: „Hljómar frekar hátt“