Enski knattspyrnumaðurinn Jonathan Ngandu er farinn frá Keflvíkingum en hann kom til þeirra í láni frá enska B-deildarfélaginu Coventry City í byrjun september.
Ngandu, sem er aðeins 18 ára gamall, lék fjóra leiki með Keflvíkingum í 1. deildinni, einn þeirra í byrjunarliðinu. Keflvíkingar eru efstir í deildinni og eiga eftir þrjá leiki, verði hægt að halda Íslandsmótinu áfram. Verði mótinu hætt fara þeir upp í úrvalsdeildina.
Á Facebook-síðu sinni þakka Keflvíkingar Ngandu fyrir hans framlag og segjast hlakka mikið til áframhaldandi samstarfs við Coventry.
Jonathan Ngandu hefur yfirgefið Keflavík eftir að lánssamningur hans rann út og heldur hann til baka til Coventry á...
Posted by Knattspyrnudeild Keflavíkur on Sunday, October 18, 2020