Jón Þór Hauksson landsliðsþjálfari hefur tilkynnt byrjunarliðið sem mætir Svíþjóð í stórleik í undankeppni EM kvenna í fótbolta ytra. Verður flautað til leiks klukkan 17:30.
Ein breyting er á byrjunarliðinu frá leiknum við Svíþjóð á heimavelli í síðasta mánuði; Dagný Brynjarsdóttir er ekki með vegna meiðsla og Hlín Eiríksdóttir kemur inn í liðið í hennar stað.
Fyrirliðinn Sara Björk Gunnarsdóttir er á sínum stað í liðinu og verður fyrir vikið leikjahæsta landsliðskona Íslandsfrá upphafi, en leikurinn í kvöld er sá 134. í röðinni hjá Söru.
Markvörður: Sandra Sigurðardóttir
Vörn: Gunnhildur Yrsa Jónsdóttir, Ingibjörg Sigurðardóttir, Glódís Perla Viggósdóttir, Hallbera Guðný Gísladóttir.
Miðja: Karólína Lea Vilhjálmsdóttir, Sara Björk Gunnarsdóttir, Alexandra Jóhannsdóttir.
Sókn: Sveindís Jane Jónsdóttir, Elín Metta Jensen, Hlín Eiríksdóttir.