Leikmaður knattspyrnuliðs Þórs/KA er með kórónuveiruna en þetta staðfesti félagið á samfélagsmiðlum sínum í morgun.
Samkvæmt fréttatilkynningu Þórs/KA æfði leikmaðurinn sem er smitaður með liðinu á föstudaginn síðasta en fór að finna fyrir einkennum veirunnar um nýliðna helgi.
Hún fór í próf í gær og reyndist niðurstaðan jákvæð og eru nú allir leikmenn liðsins komnir í úrvinnslusóttkví.
Þór/KA á að mæta KR hinn 8. nóvember næstkomandi í úrvalsdeild kvenna í knattspyrnu, Pepsi Max-deildinni, en stefnt er að því að deildin hefjist að nýju í nóvember eftir rúmlega mánaðar hlé.
Liðið er í sjöunda sæti deildarinnar með 18 stig, 2 stigum frá fallsæti.
Strax og þessar upplýsingar lágu fyrir voru gerðar allar nauðsynlegar varúðarráðstafanir varðandi þá leikmenn og þjálfara sem umgengust hana dagana fyrir veikindin. Leikmenn og þjálfarar munu fara í skimun í dag og verða í úrvinnslusóttkví þar til niðurstöður liggja fyrir.
— Þór/KA (@thorkastelpur) October 27, 2020