Blóðtaka fyrir Grindvíkinga

Gunnar Þorsteinsson í leik á móti Þór.
Gunnar Þorsteinsson í leik á móti Þór. Ljósmynd/Þórir Tryggvason

Grindvíkingar þurfa að sjá á eftir fyrirliða karlaliðsins í knattspyrnu því Gunnar Þorsteinsson er á leið erlendis og ætlar ekki að leika á næsta keppnistímabili. 

Í færslu á Facebooksíðu Grindavíkur kemur fram að Gunnar ætli að taka sér frí frá knattspyrnuiðkun á næsta ári. 

Gunnar er á leið í nám á nýju ári í auðlindaverkfræði við hinn kunna Columbia-háskóla í New York. 

Gunnar er 26 ára gamall og hefur verið lykilmaður í liði Grindavíkur síðustu árin. 

mbl.is
Fleira áhugavert
Fleira áhugavert