Hollenski markvörðurinn Guy Smit hefur samið á ný við Leikni í Reykjavík og mun verja mark liðsins í úrvalsdeild karla í knattspyrnu á næsta tímabili.
Smit er 24 ára gamall og kom til Leiknis rétt áður en síðasta tímabil hófst frá FC Eindhoven í Hollandi en hann lék áður með unglingaliðum Nijmegen og Vitesse.
Hann lék nítján af tuttugu leikjum Leiknismanna í 1. deildinni á síðasta ári en þeir voru í öðru sæti þegar Íslandsmótinu var hætt í lok október, með betri markatölu en Fram, og leika því í úrvalsdeild karla, Pepsi Max-deildinni, í annað skipti á þessu ári.
🇳🇱 Guy Smit hefur skrifað undir nýjan samning við #StoltBreiðholts og mun sá hollenski verja mark okkar í Maxaranum á komandi sumri. Þrefalt húrra fyrir því. 👏👏👏 Welkom terug Guy! pic.twitter.com/6wDhcJWJ67
— Leiknir Reykjavík FC (@LeiknirRvkFC) January 6, 2021